分卷阅读3(1/1)

（一）

[DAY1]

一行入Campus,就见到上次帮我填form既阿明,唔知点解佢硬黎零舍热情。

明:「你好呀,仲记唔记得我呢,我系上次帮你填form既阿明呀。你D组员黎齐晒架喇,不如我带你入去去Join佢地先。」

入到去之後,见到所有人已经分好晒一组组,等齐人就开始。呢个时候,阿明就向住其中一个人群嗌,

明:「大J,你个组员黎左喇,快D过黎招呼佢先。」

之後一个高我半个头,黑黑实实既体育型男仔就出左黎。好奇怪,虽然佢戴住副黑框,但比人感觉无斯文左,一样咁粗犷。睇真d,原来佢个样都算唔错,系个鼻有D大,同埋睇得出块脸虽然剃左须,但已经爆左少少须根出黎。再望落D,原来佢个身型好大只,一件普普通通既Ocamptee竟然比佢着到成件紧身衫咁样。唔单至成对胸肌撑晒出黎,仲要连两粒钉都飞埋出黎,着左好似无着一样。再向下望,原来佢着住条灰色短棉裤。呢d棉裤好虾人着,虽然松身,但下面依然好容易成个形状凸晒出黎。佢行紧出黎嗰阵,条裤入面成抽浪下浪下,我开始明白点解头先阿明叫佢做大J。仲有佢对脚,有无做开运动一睇对脚就知。佢成个脚瓜又大又粗,配埋佢望落铁线咁硬既脚毛,可以话sexy到爆。呢DMAN中之霸可以话个个0仔都锺意,不过就notmycupoftea,我锺意既唔系呢type。

「你好呀,我系你个组既excoJason,可以叫我做大J。」可能佢见到我眼甘甘望实佢,所以开口同我讲野先。

我:「哦...你好我叫阿杰。」

大J:「阿杰...你都几靓仔喎,入到黎一定成班组爸组妈睇住你。Anyway,我带你去见我地组员先。」

原来我嗰组一共有24个人,10男14女。大J逐一向我介绍佢地。细J,十仔,Nicholas,阿琪,Joan......当中有一个叫阿声既男仔系我特别注意既。

个男仔望落又高又瘦,个样虽然好靓仔但系感觉好cool,好似有d唔中意大家咁,唔知系咪我错觉呢。

不过最正都系佢对脚,着住条短裤露晒成截脚出黎,望落真系超级长。可能真系身型关系,佢普普通通咁着住短tee短裤都好似model咁样,正宗禁慾系男神。

正当我扫视紧佢全身既时候,突然唔小心视线同佢对上,佢居然对住我笑一笑,露晒成棚白雪雪既牙出黎,原来佢都唔系我想似中咁cool咁无表情。就系呢个笑容,勾晒我个魂魄出黎。

「咁多位同学,系Ocamp开始之前,首先要听个talk先,主要都系介绍返下学校历史、businessfield等等....请大家过一过去lectureroom先。」有个我估系阿HEAD既人讲。

去到lectureroom之後,我是但搵个位坐低,突然有个人坐左系我隔离。

「喂,头先做咩望实我呀。」

我拧过去望一望,居然系头先既男神阿声,笑笑口咁问我。

本章已阅读完毕(请点击下一章继续阅读!)